|| डोळे ||

कितीदा तरी माझ्याशी,
तुझे बोलतात डोळे....
गूढ तुझ्या मनाचे,
अलगद खोलतात डोळे .....

ओढ तुझी माझ्या मनाशी,
तुझे सांगतात डोळे...!
तहानलेल्या चातकापरी त्या,
कधी वाट पहातात डोळे....!!

तू अबोल जरी प्रिये ग,
पापणी झुकवून बोलतात डोळे...!
कधी क्रोध तुझ्या मनाचा,
कटाक्षातून तीर फेकतात डोळे....!!

समोर तुला पाहतांना,
आपुलेपण जपतात डोळे....!
आठवणीत कधी-कधी,
रात्र सारी जागतात डोळे....!!

अव्यक्त भावनांना,
शब्द पुरवितात डोळे...!
भेटीत कधी कुणाच्या,
नाते जुळवितात डोळे....!!